SERVICIOS.

Tenemos cinco cuartos dobles con bañu, dos con cames individuales y tres con cames dobles, d’éstes, dos dan la posibilidá d’una tercer plaza y l’espaciu pa una cuna.

Cada cuartu ye estremáu en cuantes a tamañu, vistes y decoración. Pero en toes vas atopar colchones de látex, cobertores de plumín, fundes nórdiques d’algodón, almuaes de plumes, toballes d’algodón. Too, como tas viendo, fecho con productos naturales. Les cames sobre les que vas dormir son de madera, trataes con aceites naturales.

Amás de lo que puedas facer pela redolada, la casa ofrezte un serviciu de guardería. Y la posibilidá de recibir un masax y tratamientos con flores de Bach y d’osteopatía, tamién puedes facer sesiones de taichí y chicún.

Vas poder ser solidaria/u con organizaciones que trabayen polos derechos humanos, la ecoloxía, la cooperación colos países probes y con xente mozo con problemes sociales, destinando l’1% del preciu del cuartu a la organización qu’escueyas de les cuatro que t’ufrimos.

Tamién vas poder acceder a una bibliotequina con llibros y revistes rellacionaes cola ecoloxía, los derechos humanos, la vida sano, la medicina natural y por descontao, la lliteratura.

Si t’apetez deprender a facer mermelaes, productos de llimpieza y de cuidáu personal fechos con productos naturales, equí puedes.

Y tamién si quies, namás, folgar.

L’almuerzu va nel preciu, tentaremos que seya lo más sanu, prestosu y caseru posible. Y si te peta llevar una merienda pa una escursión, somos a iguátela nós.

LOCALIZACIÓN

La Pandiella ye un pueblín del Conceyu Piloña, nel centru d’Asturies. Dende equí puedes llegar a la mar y al monte, a les ciudaes importantes d’Asturies y a los llugares onde tán les manifestaciones artístiques más importantes de cada dómina. El Parque Nacional de Picos d’Europa ta a pocos quilómetros y la nuesa casa ta tocando col Parque Natural de Redes, que non por desconocíu ye menos espectacular, entrando nél pela so puerta natural, La Collá Arniciu. Too esto percorriendo alredor de 50 qm. en coche.

Coordenadas GPS

W 5º 22' 28" y N 43º 19'  57"

¿Cómo s’aporta?

Si vienes per Llión: Aportes a Asturies pela A66, y nel P.Q. 26 garres l’A64 dirección Santander, nel P.Q. 14 garres la N634, dirección Lieres – Les Arriondes, y en pasando’l P.Q. 364 d’esta carretera, esvíeste a L’Infiestu. Tando en L’Infiestu, y pasando la ponte, garres la primer carretera a la derecha AS254 (dirección Campu Casu) y nel qm. 3 alcuentres yá’l ramal a la izquierda pa La Pandiella. A la fin d’esta carretera ta’l pueblu y un cartel indicador de L'Ayalga Posada Ecológica.

Si vienes dende Galicia / Aeropuertu: Garramos l’A8 dirección Uviéu - Xixón, hasta’l qm. 398, onde siguimos pela A66 (Uviéu - Llión), na salida 24 garramos l’A6a (Santander, Llangreo) y nel qm. 14 d’esta autovía salimos a la N634 (Nava, L’Infiestu, Lieres y Les Arriondes). En pasando’l qm. 364, atopamos una salida pa L’Infiestu, salimos per ella y al cruciar la ponte viramos a la derecha garrando l’AS254 dirección Campu Casu, Parque Natural de Redes, y nel qm. 3 d’esta carretera tenemos un esvíu a la izquierda escontra La Pandiella, la carretera fina nel pueblu, onde vas alcontrar un cartel de L’Ayalga Posada Ecológica.

Si vienes dende Cantabria o’l País Vascu: 1 qm. enantes d’aportar a Santander, garra l’esvíu de l’A67 Torrelavega - Burgos. En Torrelavega cueyi l’A8 hasta la salida 326 (Ribesella, Les Arriondes, Cangues d’Onís y P. N. Picos d’Europa) y na retonda a la que llegues garra la carretera N634 dirección Les Arriondes hasta’l qm. 361, onde se cueye’l ramal pa L’Infiestu; a la fin d’esti pueblu, tira pela AS254 dirección Campu Casu y nel qm. 3 vas ver un esvíu a la izquierda que lleva a La Pandiella. A lo cabero esta carretera entra nel pueblu onde ta afitáu un cartel indicador de L'Ayalga Posada Ecológica.

Y si vienes ensin coche, puedes llegar a L’Infiestu n’autobús (ALSA) o en tren (FEVE), y si nos confirmes la hora de llegada, vamos buscate.

RESERVES

Fala con nós llamando al: 616.897.638. Tamién puedes escribinos un mail a les señes: layalga@terrae.net.

Viendo la gran demanda qu’hai nel nuesu establecimientu, aconseyámoste que faigas la reserva abondo primero, sobre too en vacaciones y pontes.

1. Los precios nun tienen inxeríu’l 8% d’IVA.
2. La confirmación de les reserves ha facese al traviés del pagu del 40% per delantre del total de la estancia, per aciu de tresferencia bancaria o per xiru postal o pagu con tarxeta de creitu o débitu.
3. Condiciones de cancelación de la reserva:
   o Si s’avisa ente más de 7 y menos de 15 díes primero, vuélvese’l 50% la reserva.
   o Nos 7 díes anteriores nun se volverá l’anticipu.
   o Nos pagos fechos con tarxeta, a la vuelta quitaráse-y un 2% de gastos de xestión.

Una bona idea: trai unes zapatielles p’afayate meyor na nuesa casa. Nun lo vas llamentar.

CONSTRUCCIÓN. ¿Cómo la fiximos?

Tentemos de que tolos materiales fueren sanos coles persones y poco o nada contaminantes cola Naturaleza.

Recuperemos la cal como morteru, dao que dexa respirar a la casa. Usemos cementu blanco en cuentes del gris, porque nun tien escoria de fornos altos. La madera ta tratao namás con aceites. Tolos zunchos de la cadarma tán derivaos a tierra. Separtemos les agues grises de las prietes, y reciclemos toes dos. Pañemos l’agua de lluvia pa usos estremaos. Nun hai nada de PVC na casa, usáronse otros plásticos menos contaminantes. Tenemos paneles solares pa calecer l’agua. El sol calez los cuartos al sur y al leste per aciu de ventanes bien curioses. El norte ta aislao con cáñamu. La nuesa calefacción ye la versión moderna de les antigües "glories", calecemos suelos y muries, que son les que suelten el calor.

Tentemos d’alitar esta casa de más de 100 años colos principios de la bioconstrucción y el bioclimatismu, usando materiales sanos y non contaminantes y aforrando enerxía.